گھر کی الماری میں تصویریں رکھنا

سوال:اگر گھر میں تصاویر دیواروں پر نہ لگی ہوں سوٹ کیس یا الماری وغیرہ میں رکھی جائیں کیا پھر بھی ممانعت ہے؟

یوزر آئی ڈی:حمزہ عباسی

بسم اللہ الرحمن الرحیم

الجواب بعون الملک الوھاب اللھم ھدایۃ الحق والصواب

جاندار کی تصاویر اتروانا،دیواروں پر لگانا ناجائز و حرام اور اگر الماری وغیرہ میں بھی ہو تو منع ہے کیونکہ گھر میں جاندار کی تصویر ہونا رحمت سے محرومی کا سبب ہے۔ جس گھر میں تصویر ہو ، تو اس کے متعلق بخاری شریف میں ہے کہ حضور ﷺ نے ارشاد فرمایا: ”ان الملائکۃ لاتدخل بیتا فیہ صورۃ “ترجمہ: جس گھر میں تصویر ہو ، اس میں رحمت کے فرشتے نہیں آتے ۔

(الصحیح البخاری ، کتاب البدء الخلق ، باب اذا قال احدکم اٰمین الخ ، جلد 1 ، صفحہ 179 ، مطبوعہ کراچی )

سیدی امام اہلسنت امام احمد رضا خان بریلوی علیہ الرحمہ لکھتے ہیں:گھروں میں حفاظت سے تصویریں رکھنا منع ہیں۔

(فتاویٰ رضویہ ،جلد24،صفحہ639،رضافاؤنڈیشن،لاہور)

واللہ اعلم عزوجل ورسولہ اعلم صلی اللہ علیہ وآلہ وسلم کتبہ

انتظار حسین مدنی کشمیری

21شوال المکرم1444ھ/11مئی2023 ء