پاک کپڑے کے ساتھ ناپاک کپڑے دھونا
سوال:کیاپاک اورناپاک کپڑوں کو ایک ساتھ دھوسکتے ہیں؟
User ID: Muhammad Awais Siddiq Qadri
بسم اللہ الرحمن الرحیم
الجواب بعون الملک الوھاب اللھم ھدایۃ الحق والصواب
پاک کے ساتھ ناپاک کپڑےدھوناجائز نہیں لیکن اگراچھی طرح دھولئے اور پانی کثیر بہایاکہ نجاست بہ جانے کا یقین ہوتوسب پاک ہوجائیں گے۔ بدائع میں ہے:لأن إلقاء الطاهر في الطاهر ليس بحرام، أما تنجيس الطاهر فحرام۔ترجمہ:پاک کوپاک میں ڈالناحرام نہیں ہے ہاں پاک کوناپاک کرناحرام ہے۔(بدائع صنائع،کتاب الطہارۃ،ج1، ص67،دارالکتب العلمیہ)درمختارمیں ہے:أما لو غسل في غدير أو صب عليه ماء كثير، أو جرى عليه الماء طهر مطلقا بلا شرط عصر وتجفيف وتكرار غمس۔ترجمہ:بہرحال اگراسے نہر میں دھویاگیایااس پر کثیر پانی بہایاگیایااس پر پانی بہاتومطلقا بغیرنچوڑنے،سوکھنے اورباربارڈبونے کی شرط کے پاک ہوجائیں گے۔(شامی،کتاب الطہارۃ،ج1ص333،بیروت)شامی میں ہے:(قوله: في غدير) أي: ماء كثير له حكم الجاري. (قوله: أو صب عليه ماء كثير) أي: بحيث يخرج الماء ويخلفه غيره ثلاثا؛ لأن الجريان بمنزلة التكرار والعصر ۔ترجمہ:پاک کوپاک میں ڈالناحرام نہیں ہے ہاں پاک کوناپاک کرناحرام ہے۔(ایضا)
واللہ اعلم عزوجل ورسولہ اعلم صلی اللہ علیہ وآلہ وسلم
کتبـــــــــــــــــــــــــــــــــــــــــــــہ
تیموراحمدصدیقی
15جمادی الاخری 1445ھ/29دسمبر 2023 ء