سوال:زید نے طلاق کی جگہ لفظ تلاق لکھایابولاتوکیاحکم ہے؟
User ID: Muhammad Tahir
بسم اللہ الرحمن الرحیم
الجواب بعون الملک الوھاب اللھم ھدایۃ الحق والصواب
لفظِ تلاق سے بھی طلاق ہوجاتی ہے۔اوراردومیں توویسے بھی طاء اورتاء کاوہ فرق نہیں ہے جوعربی میں ہوتاہے ۔
ہندیہ میں ہے: رجل قال لامرأته ترا تلاق. هاهنا خمسة ألفاظ. تلاق وتلاغ وطلاغ وطلاك وتلاك عن الشيخ الإمام الجليل أبي بكر محمد بن الفضل – رحمه الله تعالى – أنه يقع وإن تعمد وقصد أن لا يقع ترجمہ:کسی نے اپنی بیوی کویہ پانچ الفاظ کہےتلاق،تلاغ،طلاغ،طلاک ،تلاک تواما م ابوبکررحمہ اللہ فرماتے ہیں اگرچہ جان بوجھ کرطلاق نہ ہونے کے ارادےسے کہے طلاق ہوجائےگی۔ (ہندیہ،کتاب الطلاق،ج1،ص357،بیروت)
فتاوی رضویہ میں ہے:یونہی وہ الفاظ جوکچی زبان والے کہتے ہیں ،مثلاتلاق،تلاک،تلاغ،تلاکھ،تلاخ، تلاّکھ، تلاّخ۔(فتاوی رضویہ،کتاب الطلاق،ج12،ص537،لاہور)
واللہ اعلم عزوجل ورسولہ اعلم صلی اللہ علیہ وآلہ وسلم
کتبـــــــــــــــــــــــــــــــــــــــــــــہ
تیموراحمدصدیقی
01رجب المرجب 1445ھ/13جنوری 2024 ء