قادیانی بچوں ،بچیوں کو قرآن کی تعلیم دینا

قادیانی بچوں ،بچیوں کو قرآن کی تعلیم دینا

سوال: قادیانی،بچوں یا بچیوں کو مدرسے میں قرآن پاک پڑھانے کا کیا حکم ہے؟

User ID:اعظم عطاری

بسم اللہ الرحمن الرحیم

الجواب بعون الملک الوھاب اللھم ھدایۃ الحق والصواب

قادیانی اپنے عقائد باطلہ کے سبب اسلام سے خارج ہیں ان کو قرآن کی یا کوئی بھی دینی تعلیم دینا ان کے پاس بیٹھنا شرعا درست نہیں ۔اللہ پاک ارشاد فرماتاہے: ﴿وَ لَا تَرْكَنُوْۤا اِلَى الَّذِیْنَ ظَلَمُوْا فَتَمَسَّكُمُ النَّارُ﴾ ترجمہ کنزُالعِرفان:’’اور ظالموں کی طرف نہ جھکو،ورنہ تمہیں آگ چھوئے گی۔‘‘(القرآن الکریم، پارہ 12، سورہ ھود، آیت113)

اللہ پاک ارشاد فرماتاہے :﴿ وَ اِمَّا یُنْسِیَنَّكَ الشَّیْطٰنُ فَلَا تَقْعُدْ بَعْدَ الذِّكْرٰى مَعَ الْقَوْمِ الظّٰلِمِیْنَ ﴾ ترجمۂ کنزُالعِرفان:’’اور اگر شیطان تمہیں بھلا دے تو یاد آنے کے بعد ظالموں کے پاس نہ بیٹھ۔‘‘

(القرآن الکریم، پارہ 7، سورۃ الانعام، آیت68)

فتاوی مصطفویہ میں ہے: ’’اس (قادیانی )سے سلام ،کلام ، ربط، ضبط اس کے ساتھ کھانا ،پینا، راہ رسم رکھنا سب حرام ہے، قال اللہ تعالیٰ:﴿ وَ اِمَّا یُنْسِیَنَّكَ الشَّیْطٰنُ فَلَا تَقْعُدْ بَعْدَ الذِّكْرٰى مَعَ الْقَوْمِ الظّٰلِمِیْنَ﴾۔‘‘

(فتاوی مصطفویہ ، کتاب الصلاۃ، صفحہ 209 ، مطبوعہ شبیر برادرز،لاھور)

واللہ اعلم عزوجل ورسولہ اعلم صلی اللہ علیہ وآلہ وسلم کتبـــــــــــــــــــــــــــــــــــــــــــــــــــــــــــــــــــہ

انتظار حسین مدنی کشمیری عفی عنہ

6ربیع الاول 5144 ھ23 ستمبر 2023 ء