واحد یا سمیع نام رکھنا کیسا
سوال:مفتی صاحب ، اللہ کے صفاتی نام ، الواحد یا السمیع پر کسی کا نام رکھ سکتے ہیں، اور کیا اسکے ساتھ عبد لگانا ضروری ہے یا صرف واحد یا سمیع بھی بول سکتے ہیں ؟
(سائل :سکندر علی)
بسم اللہ الرحمن الرحیم
الجواب بعون الملک الوہاب اللہم ہدایۃ الحق والصواب
اللہ تبارک وتعالی کے صفاتی نام علی، کبیر، رشید وغیرہ کی طرح واحد اور سمیع نام رکھنا بھی جائز ہے، اگرچہ یہ اللہ تبارک وتعالی کا اسم یا صفت ہو کیونکہ یہ نام اللہ تبارک وتعالی کے ان اسماء یا صفات میں سے نہیں جن کا اطلاق غیر اللہ پر ناجائز ہو جیسے رحمن، خالق وغیرہ ، نیز ان ناموں کے شروع میں عبد لگانا ضرری نہیں۔
قرآن پاک میں ہے : اِنَّا خَلَقْنَا الْاِنْسَانَ مِنْ نُّطْفَةٍ اَمْشَاجٍ ،نَّبْتَلِیْهِ فَجَعَلْنٰهُ سَمِیْعًۢا بَصِیْرًا. ترجمہ : بیشک ہم نے آدمی کو ملی ہوئی منی سے پیدا کیا تاکہ ہم اس کا امتحان لیں توہم نے اسے سننے والا، دیکھنے والا بنا دیا۔ [القرآن، سورۃ الدھر، آیت نمبر 3]
ترمذی شریف میں ہے: قال رسول الله صلى الله عليه وسلم: إن لله تعالى تسعة وتسعين اسما، مئة غير واحدة، من أحصاها دخل الجنة، هو الله الذي لا إله إلا هو الرحمن، الرحيم، الملك، القدوس…. السميع، البصير، الحكم، العدل …. الواجد، الماجد، الواحد، الصمد. [محمد بن عيسى،سنن الترمذي ت بشار،ابواب الدعوات، 5/411]
صفاتی نام الواحد کے متعلق شیخ محقق فرماتے ہیں : ولا يمكن أن يكون له نظير يشاركه فيه، فهو الواحد المطلق أزلا وأبدا، وأما العبد فإنما يكون واحدا إذا لم يكن له في أبناء جنسه نظير، في خصلة من الخصال، في وقت من الأوقات، معأنه يوجد في خصلة أخرى وفي وقت آخر مثله، فلا يكون واحدا على الإطلاق. [عبد الحق الدِّهْلوي ،لمعات التنقيح في شرح مشكاة المصابيح ،5/104]
فتاوی ہندیہ میں ہے : والتسمية باسم يوجد في كتاب الله تعالى كالعلي والكبير والرشيد والبديع جائزة لأنه من الأسماء المشتركة ويراد في حق العباد غير ما يراد في حق الله تعالى كذا في السراجية. [الفتاوى الهندية،کتاب الکراہیۃ ،الباب الثانی والعشرون فی تسمیۃ الاولاد]
بہار شریعت میں ہے : بعض اسماء الٰہیہ جن کا اطلاق غیراﷲ پر جائز ہے ان کے ساتھ نام رکھنا جائز ہے، جیسے علی، رشید، کبیر، بدیع ، کیونکہ بندوں کے ناموں میں وہ معنی مراد نہیں ہیں جن کا ارادہ اﷲ تعالیٰ پر اطلاق کرنے میں ہوتا ہے اور ان ناموں میں الف ولام ملا کر بھی نام رکھنا جائز ہے، مثلاً العلی، الرشید۔ (بہار شریعت ،نام رکھنے کا بیان، جلد 3 ،حصہ 16،مکتبۃالمدینہ)
واللہ اعلم عزوجل ورسولہ اعلم صلی اللہ علیہ وآلہ وسلم کـتبـــــــــــــــــــــــہ
ابوالحسن محمد حق نوازمدنی
21 ذوالحجۃ الحرام 1445ء 28 جون 2024ھ