ممانی سے نکاح
سوال:مجبوری کی وجہ سے کیاکوئی آدمی ممانی سے نکاح کرسکتاہے؟
User ID: Dastgeer Hafiz Dastgeer
بسم اللہ الرحمن الرحیم
الجواب بعون الملک الوھاب اللھم ھدایۃ الحق والصواب
ماموں کی زوجہ ممانی غیرمحرم ہے جس سے پردہ بھی لازم ہے اورعدت کے بعد اس سےنکاح بھی جائزہے۔قران پاک میں حرمت والے رشتے بیان کرنے کے بعد ہے: وَأُحِلَّ لَكُم مَّا وَرَآءَ ذَٰلِكُمۡ۔ترجمہ:بیان کردہ حرام عورتوں کے علاوہ تمھارے لئے حلال ہیں۔(القران،النساء،آیت:24)
فتاوی رضویہ میں ہے: چچی اورممانی سے بھی نکاح جائزہے۔(فتاوی رضویہ،کتاب النکاح،ج11،ص464،لاہور)
واللہ اعلم عزوجل ورسولہ اعلم صلی اللہ علیہ وآلہ وسلم
کتبـــــــــــــــــــــــــــــــــــــــــــــہ
تیموراحمدصدیقی
24شعبان المعظم 1445ھ/06مارچ 2024 ء