حصہ داروں میں سری پائے کو کیسے تقسیم کیا جائے

سوال: بڑے جانور میں جو سات حصے دار ہوتے ہیں وہ ان میں سے کوئی کہتا ہے کہ مجھے دو پائے دیدو۔ کوئی کہتا ہے ایک پایا دیدو۔ کوئی کہتا ہے مجھے سری دیدو۔۔پوچھنا یہ ہے کہ کیا اس طرح کرنا درست ہے؟نیز سری میں تقسیم کاری کس طرح ہوگی؟

الجواب بعون الملک الوهاب اللهم هداية الحق والصواب

بڑے جانور کےسات حصہ داروں میں سری پائے کو بھی وزن کر کے برابر برابر حصوں میں تقسیم کیا جائے۔

مفتی خلیل خان برکاتی رحمۃ اللہ علیہ فرماتے ہیں:”قربانی کے گوشت میں تقسیم صرف گوشت کی نہیں بلکہ گوشت میں کلیجی، پھیپھڑے، تلی، دل گردے اور سری پائے بھی شامل ہیں۔ان کی تقسیم بھی وزن کرنے کے بعد برابر کی جائے۔ “

(فتاویٰ خلیلیہ جلد3 ص145)

و  الله      اعلم عزوجل و رسولہ اعلم صلی اللہ علیہ وسلم

                                             کتبہ

محمدایوب عطاری                 

02 ذوالحجۃ الحرام1441 ھ/13 جولائی 2021 ء

نظر ثانی   :محمد انس رضا قادری