مسافر اگر جمعہ پڑھے گا تو کیا نیت کرے گا ؟ظہر کی یا جمعہ کی؟

سوال: مسافر اگر جمعہ پڑھے گا تو کیا نیت کرے گا ؟ظہر کی یا جمعہ کی؟

الجواب بعون الملک الوهاب اللهم هداية الحق والصواب

 مسافر اگر جمعہ ادا کرے تو جمعے ہی کی نیت کرے گا۔

تنویرالابصار مع در مختار میں ہے: (ومن أدركها في تشهد أو سجود سهويتمها جمعةكمافي العيدوينوي جمعة لا ظهرا) اتفاقا فلو نوى الظهر لم يصح اقتداؤه ثم الظاهر أنه لا فرق بين المسافر وغيره

جو جمعے کی نماز تشہد یا سجدہ سہو میں پائے تو اس کو جمعے کے طور پر ہی پورا کرے گا جیسا کہ عید میں ہوتا ہے اور جمعے کی نیت کرے گا نہ کہ ظہر کی،اگر ظہر کی نیت کی تو اس کا اقتدا کرنا درست نہ ہو گا،پھر ظاہر یہ ہے کہ اس مسئلے میں مسافر اورغیر مسافر میں کوئی فرق نہیں ہے۔

ردالمحتار میں ہے: أن المسافر لما التزم الجمعة صارت واجبة عليه؛ ولذا صحت إمامته فيها وأيضا المسافر إذا صلى الظهر قبلها ثم سعى إليها بطل ظهره وإن لم يدركها فكيف إذا أدركها لا يصليها بل يصليها ظهرا والظهر لا يبطل الظهر فالظاهر ما في النهر ووجه تخصيص المسافر بالذكر دفع توهم أنه يصليها ظهرا مقصورة على قول محمد لأن فرض إمامه ركعتان فنبه على أنه يتمها أربعا عنده لأن جمعة إمامه قائمة مقام الظهر

جب مسافر نے اپنے اوپر جمعہ خود لازم کر لیا تو یہ اس پر واجب ہو گیا، اسی لیے مسافر کا جمعے کی نماز میں امامت کرنا درست ہوتا ہے،یونہی اگر مسافر جمعہ پڑھنے سے پہلے ظہر پڑھ لے پھر جمعے کی طرف سعی کرے تو اس کی ظہر باطل ہوجاتی ہے اگر جمعہ نہ پائے، تو یہ کیسے ہو سکتا ہے کہ جمعہ پا لے تو جمعہ نہ پڑھے بلکہ ظہر پڑھے،حالانکہ ظہر ظہر کو باطل نہیں کرتی، تو ظاہر وہی ہے جو نہر الفائق میں ہے، اور مسافر کو خاص طور پر ذکر کرنے کی وجہ اس وہم کو دور کرنا ہے کہ مسافر امام محمد کے قول پر جمعہ پڑھانے والے امام کے پیچھے ظہر قصر کی نیت سے پڑھ لے کیونکہ اس کے امام کے فرض دو رکعتیں ہیں (یہ بات درست نہیں بلکہ وہم ہے اور اس وہم کو دور کرنے کے لیے خاص طور پر مسافر کا ذکر کیا گیا)۔

(الدر المختار وحاشية ابن عابدين ،ج3،ص37تا38،دارالمعرفہ بیروت)

                                                                                               و  الله      اعلم عزوجل و رسولہ اعلم صلی اللہ علیہ وسلم  

                                                   کتبہ           

محمدایوب عطاری               

02 ربیع الآخر  1443 ھ/08 نومبر  2021 ء

نظر ثانی  :محمد انس رضا قادری