تیسری رکعت میں دوسری رکعت سے پہلے کی سورت
سوال:چاررکعت والی نماز میں دورکعت میں سورتوں کی ترتیب کے بعدکیاتیسری اورچوتھی رکعت میں بھی اگلی سورت پڑھنی ہے یاوہاں دوبارہ سے کوئی پچھلی دوسورت پڑھ سکتی ہیں؟
User ID: Anonymous
بسم اللہ الرحمن الرحیم
الجواب بعون الملک الوھاب اللھم ھدایۃ الحق والصواب
چار سنتِ مؤکدہ جیسے ظہرکی پہلی چارسنتوں میں اورجمعہ کی پہلی اوربعدکی چارسنتوں میں تمام رکعات میں ہی سورت پڑھنے میں ترتیب کی رعایت ضروری ہے کہ یہ مستقل نماز ہونے میں فرائض کے مشابہ ہیں۔باقی نوافل جیسےسنتِ غیر مؤکدہ میں ہر شفع(دورکعت) میں سورتوں کی ترتیب کی رعایت ضروری ہے یعنی پہلی دو رکعات میں ترتیب کی رعایت ضروری ہے پھرتیسری اورچوتھی رکعت میں ترتیب کی رعایت ضروری ہے ہاں دوسری اورتیسری رکعت میں ترتیب کی رعایت ضروری نہیں کہ یہاں ہرشفع الگ نمازہے۔
درمختار میں ہے:(ولا يصلى على النبيﷺ في القعدة الأولى في الأربع قبل الظهر والجمعة وبعدها) ولو صلى ناسيا فعليه السهو، وقيل لا شمني (ولا يستفتح إذا قام إلى الثالثة منها) لأنها لتأكدها أشبهت الفريضة (وفي البواقي من ذوات الأربع يصلي على النبي) ﷺ (ويستفتح) ويتعوذ ولو نذرا لأن كل شفع صلاة۔(فتاوی رضویہ،کتاب الصلوۃ،جلد 8،ص132-130،لاہور)
واللہ اعلم عزوجل ورسولہ اعلم صلی اللہ علیہ وآلہ وسلم
کتبـــــــــــــــــــــــــــــــــــــــــــــہ
تیموراحمدصدیقی
20رمضان المبارک 1445ھ/31مارچ 2024 ء