سوال:کیارجب کے روزے کے ساتھ رمضان کی قضاروزے کی نیت بھی کرسکتے ہیں؟
User ID: Anonymous
بسم اللہ الرحمن الرحیم
الجواب بعون الملک الوھاب اللھم ھدایۃ الحق والصواب
ایک ہی روزے میں قضااورنفل کی نیت نہیں ہو سکتی اگرکریں گے توقضاروزہ اداہوجائے گااورنفل کی نیت لغو ہوگی ۔ لیکن قضاکی نیت بھی فجرکاوقت شروع ہونےسے پہلے پہلے ہوسکتی ہے ورنہ نفلی روزہ شمار ہوگا۔ہاں نفلی روزہ کی نیت ضحوی کبری سے پہلے بھی درست ہے جب کہ سحری سے اب تک منافی روزہ کوئی چیزنہ پائی گئی ہو۔
ہندیہ میں ہے: (وإذا نوى قضاء بعض رمضان، والتطوع يقع عن رمضان في قول أبي يوسف – رحمه الله تعالى -، وهو رواية عن أبي حنيفة – رحمه الله تعالى – كذا في الذخيرة(ہندیہ،کتاب الصوم،ج1،ص197،بیروت)
درمختارمیں ہے: (والشرط للباقي) من الصيام قران النية للفجر ولو حكما ۔۔۔ ولو نوى القضاء نهارا صار نفلا فيقضيه(شامی،کتاب الصوم،ج2،ص380،بیروت)
شامی میں ہے: (قوله: والشرط للباقي من الصيام) أي من أنواعه أي الباقي منها بعد الثلاثة المتقدمة في المتن وهو قضاء رمضان (ایضا)
واللہ اعلم عزوجل ورسولہ اعلم صلی اللہ علیہ وآلہ وسلم
کتبـــــــــــــــــــــــــــــــــــــــــــــہ
تیموراحمدصدیقی
01رجب المرجب 1445ھ/13جنوری 2024 ء