مرد کا بیوی کو خون عطیہ کرنا
سوال: کیا مرد اپنی بیوی کو خون دے سکتا ہے؟
User ID:حسن قریشی
بسم اللہ الرحمن الرحیم
الجواب بعون الملک الوھاب اللھم ھدایۃ الحق والصواب
شرعی ضرورت ہو تو شوہر کا اپنی بیوی کو خون دینا بلاشبہ جائز ہے۔ ابو رجا محمد نور المصطفیٰ صاحب لکھتے ہیں :میاں بیوی کےآپس میں ایک دوسرے کو خون دینے کے متعلق بعض لوگوں کا یہ خیال ہوتا ہے کہ خون دینے سے میاں بیوی کے درمیان حرمت کا رشتہ قائم ہوجاتا ہے، تو یاد رہے یہ خیال شرعاً درست نہیں ہے، بلکہ درست مسئلہ یہ ہے کہ جس طرح انسان بیوی کے علاوہ کسی اور کو ضرورتِ شرعی کے وقت خون دے سکتا ہے، یونہی بیوی کو بھی دے سکتا ہے اور اس کی وجہ سے ان میں کسی قسم کی حرمت ثابت نہیں ہوتی۔
(دارالافتاء اہلسنت، فتوی نمبر:WAT-1155، تاریخ اجراء:15ربیع الاول1444ھ/12اکتوبر2022ء)
واللہ اعلم عزوجل ورسولہ اعلم صلی اللہ علیہ وآلہ وسلم کتبـــــــــــــــــــــــــــــــــــــــــــــــــــــــــــــــــــہ
انتظار حسین مدنی کشمیری عفی عنہ
29صفر المظفر5144 ھ16 جولائی 2023 ء